Atzera kontua hasi da!

kskgorri — Mon, 04 May 2009 20:07:46 +0000

Maiatzaren 9a hor bertan dago eta hemen bildu garen eragileak bat egiten dugu maiatza 9ko jaialdiarekin.Herri mugimenduko talde desberdinak gara, baina guztiok Bilbo gris hau kulturaz eta kolorez busti nahi dugu. Kultura herrikoia berreskuratu,sortu, kaleratu eta guztiok bat eginez, Bilbo berria sortuko dugu.

:: Prentsaurreko audioa

Bada garaia bat egiteko,instituzioetatik bultzatzen duten kontsumismo eta kulturaren merkantilizazioa albo batera utziz,gure eredu parte hartzaile,sortzaile eta herritara kaleetan murgildu nahi dugu. Horregaitik maiatzaren 9 ko jaialdia sortuko dugun marearen tanta bat besterik ez du izan nahi. Bilboko alde zaharra mozorrotuko dugu, musika eta dantza erabiliko dugu gure arteko komunikazioan, umeak,gazteak,gazteak uztearen bidean daudenak, emakumeak, atzerritarrak, guztiok, gure lekua izango dugu , euskal dantzak zein sabel dantza, flamenkoa zein hip-hopa dantzatzeko, abestu ahal izango dugu, bakarlari batekin zein talde handiekin,rokodromoan gailurra ikutuko dugu, eta talde handiak eginez herri kiroletan parte hartu. Eta, monologoarekin hasi gintezke barrezka, baina nork daki non jarraituko ditugun barreak eta jaia.

Tantaz tantaz kaleak berreskuratzen hasiko gara, kolpez kolpez kultura herrikoia bultzatzen jarraituko dugu eta beraz, Bilboko talde, eragile zein herritar orori maiatza 9 an parte hartzera eta egun horretako filosofiarekin bat egitera gonbidatzen dugu.

Egun berezia prestatu dugu, gune desberdinekin,ekintza anitzekin,eta asterix eta obelix gidariak izanda guzti hau topa dezakegu:

Kale kulturan: grafitiak,hip-hoperoak, baikerrak,?
Herrien kulturan: dantza ikuskizunak, tailerrak,munduko jolasak,?.
Gazte sorkuntzan: komiki taileera,bideo tailerra,biolontzelo garaikidea,?
Kirol gunean: rokodromoa,herri kirolak, pinpona,futbolin erraldoia…
Musika gunean: umeentzako erromeria, intxableak,jokuak, herri bazkaria, kontzertuak
Azokan: autogestioa bultzatuz taldeetako materiala salgai.
Kale animazioa: gaiteroak, erraldoiak,?. Akelarrea, Dj

Hau hasiera besterik ez da, etorri! parte hartu!eta ondo pasa!

IRAGANA HARTU, ORAINA BORROKATU ETA ETORKIZUNA ERAIKI!

Atxikitutako gazte eta kultur eragileak.

Deustuko gazte asanblada
Matxingorri gazte konpartsa
PARE, deustuko nesaka gazteen taldea
Zirikatzen aldizkaria
ERNAI, santutxuko gazte kultur elkartea
Santutxuko gazte asanblada
IDUNA, santutxuko neska gazteen taldea
Bilbiko gazte asanblada
Txepetx astialdi taldea
Kabia kultur elkargunea
Saniko gazte asanblada
Uribarriko gazte asanblada
Iralako gazte asanblada
Txinbotarrak konpartsa
Aladapan gora
Ikasle Abertzaleak
Bilboko okupazio mugimendua (BOM)
SEGI
Auzotarrok, auzoetako kultur
koordinakundea
MusikHerria herri disketxea

Egitaraua: 6 gune, hamaika jarduera!

kskgorri — Wed, 29 Apr 2009 10:46:33 +0000

Egunak egitarau oparoa izango du, goizetik gauera, anitza eta ezberdina, gustu guztitarako ekimenekin:
Herrien Kultura
Egunean Zehar: Munduko edariak, herrien borroken kartel erakusketa

11,30 Sabel Dantza tailerra
12,30 Tablao Flamenkoa
13,30 Munduko Jolasak
16,30 Erromeria Hegoaize taldearekin + euskal dantzak
17,30 Perkusio emanaldia: txalaparta + panderoak + timbalak + instrumentu afrikarrak
18,00 Bideoa: Herrien Kultura + Kafe Tertulia

Gazte Sorkuntza
Egunean Zehar: argazki, kartel, pegatina erakusketa; SORKUNTZA TXOKOA eraman zure olerki, ipuin, nobela, komiki… konpartidu zure sorkuntza!; Musika gunean ikusi nahi dituzu zure argazkiak? Ekarri zure kamara eta harrapatu momentuak!

11,30-14,30 Bideoforum ? gazte sortzaileen laburmetraiak
11,30 Bideogile Tailerra
12,00-14,30 Tailerrak: eskulanak, serigrafia, pultserak, arrakalak, txapak, komiki karterak, komiki tailerra…
13,00 Errezitaldi musikatua
16,30-18,30 Bideoforum ? gazte mugimenduaren bideoak
16,30 Errezitaldia ? Violoncello Garaikidea
17,30 Magoa
18,30 Ateratako argazkiak ekartzazu!

Kale Kultura

11,30tatik aurrera grafitiak+malabareak
11,30 Skaters, bikers, Rollers, Breakers + DJ
12,30 Mural herrikoia
13,00 Hip Hop + txalaparta erakustaldia
16,30 Rap ?121 CREW? + Break Dancers
17,30 Funky Performance Tailerra

Kirol Gunea

11,00 Harrera: ongi etorri GAZTEhiRI GORRIRA!
11,30-14,30 Rokodromoa, tirolina, giza-futbolina, igela, Herri kirolak…
11,30 Gimnasia Ritmikoa VS Gimnasia Artistikoa
13,00 Aerobiton!

Musika Gunea

12,00 Umeentzako berbena + Puzgarriak
14,30 Bazkari Herrikoia + Kantautorea
19,30 Ekitaldia

ondoren KONTZERTUAK:

BILBOMATIKS
HESIAN
AMAIUR

Azoka + Informazio Gunea

11,30 Gunearen irekiera, gazte mugimenduaren eragile, talde… materiala!

Kale Animazioa

11,15 Kirol Gunetik, Zanpantzarrekin Guneen irekiera!

GOIZEAN ZEHAR: trikitilariak, zankoak, buruhandiak, erraldoiak, gaiteroak, fanfarreak, kale antzerkia…

ATSALDEAN ZEHAR: Batukada, monologoak Kalderapekon, momotxorroak, txarangak…

19,00 Kalejira Kale Kultura gunetik
GAUEAN: Kontzertuak bukatzean poteo musikatua, bilbiko plazan akelarrea, Ziburu tabernan DJ TUTI

Badator “GAZTEhiRI GORRIA”

kskgorri — Wed, 29 Apr 2009 10:25:01 +0000

Bilboko gazte mugimenduaren Kaskagorri Konpartsak GAZTEhiRI GORRIA lelopean gazte eguna antolatu dugu datorren maiatzaren 9an Kaskagorriren 20. urteurrena ospatzeko.

Soinudeia

Prentsaurrearen audioa

Kaskagorri 20 urte oharra:

Aurten 20 urte betetzen dira gure konpartsa sortu zenetik. 1989.urtean, konpartsak han eta hemen sortzen ari zirelarik Bilbon, jaio zen Kaskagorri, izaera gaztea, gorria eta herrikoiarekin.

Ordutik gaurarte, filosofia berdinarekin aritu gara lanean, inposatutako kultur ereduari aurre eginez, eta guk geuk sorturiko alternatibak eskainiz. Urte guztian zehar, inauterietan, santo tomas egunean edota jaietan eredu herrikoi eta partehartzaile batetan oinarrituriko ekimenak antolatuz; Bilboko gainontzeko konpartsekin batera, eskaintza herritar eta anitzak sortuz, urtez urte bilbotar gehiago biltzen dituzten eskaintzak.

20 urte hauetan, gazte belaunaldi ezberdinek eredu honen alde lanean aritu dira, eta egun, gazteok, zeregin berberarekin jarraitzen dugu. Nahiz eta hainbat eremutatik lan hau zapuzteko saiakerak jaso ditugun, errealitatea argia da: bilboko kultur mugimenduan erreferentzia bilakatzea lortu dugu, gazteon topaleku bihurtuz eta bilboko gazte mugimenduaren indarra erakutsiz. Hori da hain zuzen ere 20 urtez aurrera egiteko erabilitako formula, gazteon lan egiteko grina: emakumeak, ikasleak, ekologistak, okupak, euskaldunak… guk guztiok sortzen dugu kaskagorri, eta hortan datza gure indarra.

Urtez urte hobetzen joan da konpartsa, gero eta gazte gehiago batzen dira kaskagorrira, eta gero eta eskaintza hobeak sortzen ditugu. 300 konpartsero dauzkan konpartsa gara, 300 gazte dauzkan konpartsa, herritik eta herriarentzako sorturiko kultur eredu baten alde lanean jarraitzen dugunok.

Horregatik, 20.urteurren honetan, maiatzaren 9rako antolatu dugun eguna ez da soilik ospakizun bat izango, gazteok sortzen ditugun kultur espresio ezberdinen isla baizik. Egun bat, non gazteon sorkuntza guzti hori kaleratua izango den, partehartzea sustatuz, eta kultur aniztasuna aintzat hartuz. Bilboko gazte mugimenduaren espresioek kalea eskuratuko duten eguna, gaztez jositako gazte hiri gorri bat irudikatzeko eguna. Gazteok sortua gazteontzako.